لقمة القاضي أو العوامة

لقمة القاضي أو العوامة

السلام عليكم ورحمة الله وبركاته

امبارح جبت الكم طريقة البسبوسة
وحبيت اليوم أعلمكم طريقة العوامة ،، كثييييييييييير سهلة
وكمان طيبة بنفس الوقت ..
وبتظل أنظف وأضمن من الي بتنباع جاهزة ....




أنا بعمل كمية تكفي لخمس أشخاص ،، يعني الي بده أكثر بضاعف الكمية ...
المكونات :
كوب دقيق
كوب ماء دافي
ملعقة خميرة متوسطة
ملعقتين نشاء متوسطة
ذرة ملح
ذرة سكر
قطر (شربات) : ( كل كوب سكر له كوب ماء مع عصير نصف ليمونة صغيرة يغلي على الغاز لمدة نصف ساعة )

الطريقة :
نضع الخميرة بكوب الماء الدافي مع ذرة السكر ونقلبها منيح
بعدين بنضع النشاء والملح على الدقيق وبنحركه منيح
وبنحط كوب الماء والخميرة على الدقيق وبنحرك بسرعة بالمعلقة أو بالمضرب

بنترك العجينة تتريح في مكان دافي لمدة ساعة .. بعد هيك بنبدأ بالقلي

بعد ما تخمر العجينة ،، بنحمي الزيت ،، وبنمسك العجينة في الإيد
وبنصير نأخذ في المعلقة شوية شوية على أشكال دوائر ونضعها في الزيت
ونقلبها وممكن نقليها على مرتين علشان تقرمش أكثر

ملاحظة : مش مشكلة لو طلعت أول مرة معك أشكال غريبة للعوامة ( يعني مش مدورة )
يعني مرة على مرة بتصيروا تضبطوها ..

المهم قوليلي كيف الطعم ؟؟

وصحتنين وعافية